Рубрика: Մայրենիի ստուգատես
Եթե ես…
Երեկ ես լսեցի <<Երկրագնդի երգը>>՝ Մայքլ Ջեքսոնի կատարմամբ: Այն հուզեց ինձ: Երգիչը երգում էր երկրագնդի բողոքի երգը: Այն ավերված բնության՝ հատած անտառների, սպանված ու բանտարկված կենդանիների, թռչունների, աղտոտված գետերի, լճերի, ծովերի, օվկիանոսների, մարդու հրահրած պատերազմների, ամայացած տարածքների և այս ամենի արդյունքում բույսերի, կենդանիների և մարդկանց կրած տառապանքների մասին էր:
Ես մտածեցի…
Եթե ես լինեի երկրագունդը, ձայն կառնեի ու կգոչեի մարդկանց.
-Արթնացե՝ք, մարդի՝կ, ես ձեր տունն եմ, ձեր ապաստանը, ձեր մայրը և ձեր հայրը, ձեզ սնողը, պահողն ու փայփայողը: Ցույց տվեք այն տունը, որտեղ ապրելու եք դուք, երբ ես չլինեմ: Դժվար է ասել, թե, որտեղ կլինեք դուք, եթե չլինեմ ես: Ուրեմն, պահեք, փայփայեք և հոգ տարեք իմ մասին…
Ճամփորդություն դեպի Աղջկա կամ Կոշի ամրոց
Ս. թ. մայիսի 29-ին մենք՝ Հարավային դպրոցի սովորողներս, այցելեցինք Արագածոտնի մարզում գտնվող Կոշի գյուղ: Պայծառ, արևոտ օր էր: Մենք հաղթահարեցինք բարձունք, որը բավականին քարքարոտ էր; Այնուհետև այցելեցինք Սուրբ Գևորգ եկեղեցի: Այն գեղեցիկ էր, լուսավոր, պատերին կային սրբապատկերներ: Մենք վառեցինք մոմեր, երգեցինք եկեղեցական երգեր: Եկեղեցու մոտ հանդիպեցինք Մկրտիչ պապին, որը պատմեց հետաքրքիր փաստեր այդ սրբավայրի մասին: Նա պատմեց, որ ինքն ու իր որդին են կառուցել այդ եկեղեցին:
Վերջապես հասանք Կոշի ամրոց, որը 13-րդ դարի կառույց է: Այն գեղեցիկ էր և խորհրդավոր, կառուցված տուֆի խոշոր քարերից: Ամրոցի մոտ մենք կազմակերպեցինք հետաքրքիր խաղեր: Վերադարձանք Մայր դպրոց վառ տպավորություններով: