1* Ո՞ր երեւույթներն են կոչվում ֆիզիկական: Բերե՛ք օրինակներ :Ո՞ր երեւույթներն են կոչվում քիմիական։ Բերե՛ք օրինակներ։
ֆիզիկական երևույթների օրինակներն են սառույցի հալվելը, ջրի գոլորշացումը, ապակու կոտրվելը, կավճի կտորի մանրացումը, եղյամի առաջացումը և այլն։ Քիմիական երևույթների օրինակներն են՝ երբ փայտը վառվում է, այրման ընթացքում գոյանում են նոր նյութեր՝ մոխիր, ածխաթթու գազ և ջուր, որոնց հատկությունները տարբերվում են փայտի հատկություններից։
2 * Թվարկե՛ք քիմիական ռեակցիաների բնորոշ մի քանի հատկանիշ:
Գույնի փոփոխություն, համի փոփոխություն, հոտի հայտնվելը կամ անհետանալը, գազի անջատումը կամ կլանումը, ջերմության անջատումը կամ կլանումը, լույսի անջատումը, նստվածքի առաջացումը կամ անհետացում:
3 * Հրդեհը հանգցնելու ի՞նչ միջոցներ գիտեք։
Վառվող փայտը կամ ածուխը սովորաբար հանգցնում են սառը ջրով, որն իջեցնում է ջերմաստիճանը և կասեցնում օդի մուտքը դեպի այրվող առարկան։ Հրդեհ բռնկվելու դեպքում նախ անհրաժեշտ է խուճապի չմատնվել և այրվող առարկան արագորեն փակել ծածկոցով կամ շորով։ Այդպես արգելում ենք թթվածնի մուտքը, և կրակը հանգչում է։ Կրակն առավել արդյունավետ մարելու համար կան հատուկ սարքեր՝ կրակմարիչներ։
4 *Ի՞նչ է մեխանիկական շարժումը։ Բանաձևը:
Մեխանիկական շարժումը որոշակի ժամանակահատվածում մարմնի դիրքի փոփոխությունն է այլ մարմինների նկատմամբ։ Մարմնի շարժման արագությունը որոշվում է այս բանաձևով։
V=S:T
5 * Մարմինների ձեւափոխության ի՞նչ տեսակներ կան:
Մարմինների ձևափոխության երկու տեսակ կա: Առաձգական և պլաստիկ։
6 * Ինչի՞ց է կախված մեխանիկական աշխատանքի մեծությունը։
Մեխանիկական աշխատանքի մեծությունը կախված է ինչպես մարմնի վրա կիրառված ուժի մեծությունից, այնպես էլ ուժի ազդեցությամբ մարմնի անցած ճանապարհի երկարությունից։
7 *Ե՞րբ են մարմինները ջերմային հավասարակշռության վիճակում։
Երբ տաք և սառը մարմինները հպվում են, ապա որոշ ժամանակ անց նրանց ջերմաստիճանները հավասարվում են։
8 * Ի՞նչ է շանթարգելը, եւ ինչպե՞ս է այն շինությունները պաշտպանում կայծակի հարվածից։
Շանթարգելը մետաղյա ձող է, որն ամրացվում է շինության պատի երկայնքով։ Ձողի վերին՝ սրածայր մասը պաշտպանվող շենքից բարձր է։ Ձողի ստորին մասին զոդակցում են պղնձյա թիթեղ, որը թաղում են հողի մեջ։ Ամպրոպաբեր ամպերից էլեկտրական լիցքերը շանթարգելի միջով անցնում են հողի մեջ՝ չվնասելով շինությունը։
9 *Որսորդները իրենց ականջը հաճախ հպում են հողին։ Ինչո՞ւ։
Այդպես նրանց հաջողվում է լսել կենդանիների ոտքերից առաջացած տատանումները:
10 * Ի՞նչ է բջիջը : Որո՞նք են բջջի բաղադրության հիմնական քիմիական տարրերը։
Կենդանի օրգանիզմները կազմված են բջիջներից , որոնցից կազմավորվում են օրգանիզմի առանձին օրգաններ և ամբողջական օրգանիզմը։ Բջջի բաղադրության հիմնական մասը (մոտ 98%) կազմում են թթվածինը (O), ածխածինը (C), ջրածինը (H), ազոտը (N):
11* Ի՞նչ է ֆոտոսիթեզը :Սահմանե՛ք ավտոտրոֆ եւ հետերոտրոֆ օրգանիզմներ հասկացությունները :
Ֆոտոսիթեզը ածխաթթու գազից և ջրից` լույսի ազդեցության տակ օրգանական նյութերի առաջացումն է: Տերևի քլորոպլաստները պարունակում են կանաչ գունանյութ՝ քլորոֆիլ, որտեղ Արեգակի լույսի էներգիայի հաշվին անօրգանանակ նյութերին՝ ջրից և ածխաթթու գազից, սինթեզվում են օրգանական նյութեր (գլյուկոզ), և անջատվում է թթվածին։ Այս երևույթն անվանում են լուսասինթեզ, իսկ այս եղանակով սնվող օրգանիզմներին՝ ավտոտրոֆ (ինքնասուն)։ Կենդանիները, սնկերը և բակտերիաների մեծ մասը չեն կարող ինքնուրույն սինթեզել օրգանական նյութեր․ նրանք սնվում են այլ օրգանիզմներում կուտակված պատրաստի օրգանական նյութերով։ Այդպիսի օրգանիզմենրը ստացել են հետերոտրոֆ անվանումը։