Այս տարի ես զատիկը դիմավորելու եմ Գորիսում։ Ես սկզբում ցանել եմ ցորենը, այն արդեն աճել է։ Հետո որոշեցի նաև ոսպ ցանել։ Իմ այգում արդեն գարուն է, արևոտ եղանակ։ Ես վերցրեցի իմ պատրաստած ածիկները և իջա այգի, որպեսզի այգու ծաղիկների մեջ գեղեցիկ լուսանկարներ նկարեմ։
Հիսուս Քրիստոսի հրաշափառ Հարության տոնը կոչվում է Զատիկ, որը նշանակում է զատում, բաժանում, հեռացում մեղքերից և վերադարձ առ Աստված: Զատկի տոնին հավատացյալները ձու են ներկում: Ներկված ձուն համարվում է Հարության և նոր կյանքի խորհրդանիշ: Կարմիր գույնը խորհրդանշում է խաչյալ Հիսուսի կենդանարար արյունը, որ թափվեց մարդկության փրկության համար: Այս տարի Զատիկը նշեցինք ապրիլի մեկին: Ճրագալուցի պատարագից լույս բերեցինք, ձու ներկեցինք , զարդարեցինք տոնական սեղանը:
Գայանե Խաչատրյան 